|
|
 |
|
  |
 |
|
|
|
Documento
en latín del rey Alfonso VII de Castilla, fechado el 16 de octubre de 1138, por
el cual dona la villa de Serón con sus pobladores musulmanes al obispo de Sigüenza,
para que la repueble con moros y cristianos, y según el fuero que mejor
prefieran.
En
1140 el rey va a recuperar Serón, cambiándola al obispo por la villa de
Caracena y otras donaciones.
"In
nomine Patris et filii et spiritus sancti, amen. Cum pro illis que de mundo sunt
et cito pereunt acquirendis hereditatibus noster valde sollicitus sit animus,
pro celesti et eterna hereditate que nostra est et quam perdidimus jejunando de
his que possidemus ecclesiis et pauperibus largiendo et semper que bona sint
operando multo diligentius laborare debemus. Ea propter ego Adefonsus nutu dei
imperator Hyspanie, pro mea, meorumque parentum salute, et peccatorum meorum
remissione, ut celestis valeamus coheredes fieri patrie bono animo, spontanea
voluntate, dono, et concedo deo et beate Marie virgini, domnoque Bernardo
Segontine sedis episcopo, ad sui ipsius et sue ecclesie sustentationem, suisque
successoribus unam ex meis villis cui est nomen Seron, cum omnibus suis terminis
et suis pertinentiis. Mauros quoque qui in eadem villa morantur et populati sunt
dono predicto episcopo, cum uxoribus suis et tota eorum familia. Et quum
predicta villa Seron non ut conveniret populata est et terminus ejus qui largus
et desertus manet et incultus. Concedo domino Bernardo episcopo ut ipse vel ejus
successores jam dictam villam ad suam sueque ecclesie utilitatem quantum melius
poterint, et de qua gente sive de mauris sive de christianis voluerint, populent
et eis qui ibi populaverint, tales foros donent, quales quesierint. Hanc villam
superius nominatam tali modo et tali tenore Segontine dono ecclesie ac domino
Bernardo ejusdem ecclesie presenti episcopo ejusque successoribus, ut eam cum
omnibus suis terminis cum ingressibus et egressibus cum terris cultis et
incultis et arboribus, et aquis, et fontibus, ortis, et pratis montibus, et
vallibus, et cum omnibus pertinentiis suis, sine ulla contradictione libere et
ingenue jure hereditario teneant et possideant in perpetuum et ex ipsa
hereditate quidquid eis placuerit faciant. Si quis vero ecclesiastica vel
laicalis persona hoc meum factum infregerit vel infringere temptaverit, anathema
sit et cum juda scariothis qui dominum tradidit et datam et abiron quos vivos
terra absorbuit, variis cruciatibus apud inferos tormentetur nisi ad
emendationem venerit. Super hec peccet Seguntino episcopo et ejus ecclesie,
mille morabetinos et hoc donum firmum et stabile permaneat. Facta carta in
Almazanno XVI kalendas Octobris, era MCLXXVI, Adefonso imperatore imperante in
Toleto, Legione, Sarraguza, Naiara, Castella, Galicia. Ego Adefonsus imperator
hanc cartam jussi fieri, anno quarto quo coronam imperii primum in Legione
suscepi et factam manu mea roboravi et confirmavi.
Petrus
segovienseis episcopus confirmo.
Bernardus
oxomensis episcopus confirmo.
Bernardus
cesaraugustanus episcopus confirmo.
Michael
tirasonensis episcopus confirmo.
Garcias
ramirez rex navarrorum confirmo.
Raimundus
berengarii comes barchilonensis confirmo.
Comes
osorius martinez confirmo.
Comes
ramirius frolez confirmo.
Comes
rodericus gomez confirmo.
Guterius
ferrandez majordomus confirmo.
Rodericus
ferrandez confirmo.
Lop
lopez confirmo.
Diago
frolez alferiz confirmo.
Pontius
de cabrera confirmo.
Ordonius
gustiez confirmo.
Michael
feliz merinus in Burgis confirmo.
Diego
munioz merinus in Carrione confirmo.
Petrus
munez merinus in Atentia et Medina confirmo.
Guiraldus
scripsit jussu magistri Ugonis cancelarii imperatoris."
Crónica
Documental de la Familia Almazul
1138 
Alfonso VII dona la villa de Serón al mismo obispo 
