|
|
 |
|
  |
 |
|
|
|
Bula
en latín del Papa Inocencio II, su fecha a 6 de marzo de 1137, en la que
aprueba los acuerdos del concilio de Burgos, que fijó los límites entre los
obispados de Osma, Sigüenza y Tarazona. El obispo de Sigüenza obtiene el señorío
del castillo de Serón y sus términos.
"Innocentius
Episcopus Servus Servorum Dei: Venerabili Fratri Bernardo Saguntino Episcopo,
ejusque successoribus canonice instituendis in perpetuum. Suscepti regiminis
cura compellimur quae ad pacem Ecclesiarum pertinent constituere, et earum
quieti acthore Domino providere, nec dubium quod ex commisso officio ita nos
convenit paternorum Canonum decreta librare, ut unicuique Ecclesiae sua jura
serventur, et quae a fratribus nostris regulariter fiut, firma, et inconcussa
stabilitate firmentur, cujus rei gratia, venerabilis frater Bernarde Episcope,
tuis petitionibus clementer annuimus, et decissiones controversiae, quae pro
villa Soria inter te, ac frater nostros Michaelem Tirasonensem, et Bertrandum
Oxomensem Episcopos agebatur, factam per discretionem dilecti filii nostri
Guidonis Sanctae Romanae Ecclesiae Diaconi Cardinalis, tunc Apostolicae Sedis
Legati, cum consilio illustris viri Aldephonsi Hispaniarum Regis, necnon
Archiepiscoporum, Episcoporum, Abbatum, et aliorum Religiosorum, ac sapientium
virorum, qui ad Concilium Burgiense convenerant, aucthoritate Apostolica
confirmamus, et perpetuis futuris temporibus rata manere sancimus, ut videlicet
de his, quae Saguntinae Ecclesiae pertinebant, Tirasonensis Ecclesia possideret
Calataiud, Borovia, Alcazar, cum omnibus terminis earundem villarum, majorem
Ecclesiam de Calataiud, cum omnibus haereditatibus suis, et haereditates, quas
ibidem emisse dignosceris, Olbegam, Villam Felicem, quae est inter Calataiud et
Darocam, villam quae dicitur Salas prope Olbegam. Reservatis nimirum ad
proprietatem Saguntinae Ecclesiae duobus Castellis, Deza videlicet, inter
Calataiub et Almazanum, et Fariza, inter Calataiub et Medinam. Tibi vero,
venerabilis in Domino frater Bernarde Episcope de jure Oxomensis Ecclesiae
habere concessum est, Ailonem, cum omnibus terminis suis, et haereditates quas
ibi ejusdem loci habebat Episcopus, Aguileram, Castellum de Galbe, medietatem
Aldeae, quae dicitur Liceras, Caracenam, cum omnium Aldeis suis, cum duobus
monasteriis Sancti Salvatoris, et Sanctae Mariae de Tiermes, Vadum de rege,
Aquileram, Berlangam, cum omnibus terminis suis, et cum monasterio Sancti
Bauduli, Velomazae, et Barcam, Almazanum praeterea cum omnibus terminis suis, de
quo Oxomensis Episcopus querimoniam faciebat. Porro eidem Oxomensi concessum est
habere Soriam integram, cum omnibus terminis suis, de qua controversia fuerat
agitata, et monasterium Sanctae Mariae de Bomaio, ac regales decimationes
eiusdem villae, quae juris fuerant Saguntinae Ecclesiae. Quae omnia sicut ab
eodem filio nostro Guidone statuta sunt, favoris nostri munimine roboramus.
Quascumque praeterea possessiones, quaecumque bona Saguntina Ecclesia in
praesentiarum juste, et canonice possidet, aut in futurum concessione Pontificum,
largitione Regum, vel Principum, oblatione fidelium, seu aliis justis modis
Domino propitio, poterit adipisci, firma tibi tuisque successoribus, et illibata
permaneant. In quibus haec propriis duximus exprimenda vocabulis, Medinam
videlicet, Molinam, Sanct Justum, Atentiam, ambos Castejones cum pertinentiis
suis. De regalibus quoque redditibus decimationes in toto Episcopatu, salinas,
molendinos, necnon Seronem Castellum cum omnibus terminis suis. Decernimus ergo
ut nulli omnino hominum fas sit praefatam Saguntinam Ecclesiam super hac nostra
concessione, atque confirmatione temere perturbare, aut eius possessiones
auferre, vel ablatas retinere, minuere, seu quibuslibet molestiis fatigare. Sic
omnia integra conserventur eorum, pro quorum gubernatione, et sustentatione
concessa sunt, usibus profutura. Si qua sive in posterum ecclesiastica,
secularisve persona hanc nostrae constitutionis paginam sciens contra eam venire
temptaverit aussu temerario, secundo, tertiove commonita, si non congrue
satisfecerit, potestatis, honorisque, sui dignitate careat, reumque se divino
judicio existere de perpetrata iniquitate cognoscat, et a sacratissimo corpore
et sanguine Dei, et Redemptoris nostri Jesu Christi aliena fiat, atque in
extremo examine districtae ultioni subjaceat, cunctis autem eidem loco sua jura
servantibus sit pax Domini nostri Jesu Christi, quatenus et hic fructum bonae
actionis percipiant, et apud districtum judicem praemia aeternae pacis inveniant.
Amen. Amen. Amen."
Crónica
Documental de la Familia Almazul
1137 
El castillo de Serón al obispo de Sigüenza 
